ڈبل ڈیکر بس سے بھی دوگنا بڑے ٹائٹینو سار کی باقیات دریافت

بارسلونا :  سپین کے صوبے کاتالونیا میں ماہرین نے  اب تک کے سب سے بڑے ڈائنو سار " ٹائٹینو سار" کی باقیات دریافت کی ہیں۔ اس کی جسامت ڈبل ڈیکر بس سے دوگنا بڑی ہے اور اسے  ابدیتو سارزکیوہنی کا نام دیا گیا ہے۔

ڈیلی میل کے مطابق ٹائینو سار قبیلے کے اس  جانور  کی باقیات کاتالونیا کے شہر اوراکو   سے دریافت ہوئی ہیں۔ ماہرین کا کہنا ہے کہ یہ یورپ میں کسی بھی ڈائنو سار کی اب تک دریافت ہونے  والی سب سے بڑی باقیات ہیں۔ یہ جانور 70.5 ملین سال پہلے سپین میں رہتا تھا۔ 

ابدیتو سارزکیوہنی اپنی زندگی میں 57 فٹ تک لمبا اور 14 ٹن تک وزنی ہوتا تھا، اس کی گردن کی لمبائی 13 فٹ سے بھی زائد تھی جس کی وجہ سے اسے درختوں کے پتے کھانے میں آسانی رہتی تھی۔ اس کی 70.5 ملین سال پرانی دریافت ہونے والی کھوپڑی اب تک کا سب سے بہترین حالت میں دریافت ہونے والا فوسل ہے۔