خیبرپختونخوا :بلدیاتی انتخابات کے دوسرے مرحلے کا شیڈول جاری

الیکشن کمیشن کے مطابق خیبرپختونخوا میں 31 مارچ کو بلدیاتی انتخابات ہوں گے جب کہ 4 اپریل کو حتمی نتائج کا اعلان کیا جائے گا۔

14 سے 18 فروری تک امیدوار کاغذات نامزدگی جمع کرا سکیں گے۔ 19 فروری کو امیدواروں کی لسٹ آویزاں کی جائے گی۔

الیکشن کمیشن کے مطابق 24 سے 26 فروری تک کاغذات نامزدگی کیخلاف اپیلیں کی جاسکیں گی۔

یاد رہے کہ صوبے میں ہونے والے دوسرے مرحلے کے بلدیاتی انتخابات میں ہزارہ اور مالا کنڈ ڈویژن سمیت دیگر 18 اضلاع میں الیکشن ہوں گے۔