تنخواہوں میں اضافہ ، فواد چوہدری نے ایک اور خوشخبری سنادی 

تفصیلات کے مطابق سماجی رابطے کی ویب سائٹ ٹوئٹر پر جاری ایک  بیان میں وفاقی وزیر اطلاعات و نشریات  فواد چوہدری نے کہا کہ صحت کارڈ کے بعد تنخواہوں میں 15 فیصد مزید اضافہ ، اب  ایک سال میں آمدنی میں مزید اضافہ ہوگا۔

ان کا کہنا تھا  کہ ملک کی معیشت اپنے پاؤں پر کھڑی ہورہی ہے، عمران خان  پاکستان کو اسلامی فلاحی مملکت بنارہے ہیں ،اور یہ  تمام اقدامات اسی منشورکو سامنے رکھ کر کیے جارہے ہیں ۔ 

صحت کارڈ کے بعدتنخواہوں میں 15 فیصدمزید اضافہ ، اس وقت ملک میں معیشت اپنے پاؤں پر کھڑی ہو رہی ہے انشاللہ ایک سال میں آمدنیوں میں مزید اضافہ ہو گا عمران خان پاکستان کو اسلامی فلاحی مملکت بنا رہے ہیں اور تمام اقدامات اسی منشور کو سامنے رکھ کر لئے جا رہے ہیں #PTIGovernment

— Ch Fawad Hussain (@fawadchaudhry) February 10, 2022

خیال رہے کہ وفاقی حکومت نے سرکاری ملازمین کی تنخواہوں میں اضافے کا اعلان کر دیا۔ اس ضمن میں وزارت خزانہ کی جانب سے جاری نوٹی فکیشن کے مطابق ایک سے 19 اسکیل تک کے ملازمین کو 15 فیصد الاونس دیا جائے گا ۔  نوٹی فکیشن کے مطابق صوبو ں کو بھی ملازمین کیلئے الاونس کا اعلان کرنے کی سفارش کردی گئی ہے۔