افغان کرکٹر راشد خان کے اہلخانہ بھی پی ایس ایل میچز دیکھیں گے

لاہور قلندرز کے چیف آپریٹنگ آفیسر ثمین رانا کا کہنا ہے کہ راشد خان کے بھائی اور کزنز لاہور میں میچز دیکھیں گے۔

ان کا کہنا تھا کہ راشد خان کی فیملی کے ارکان کرکٹر کو پہلی مرتبہ پاکستان میں ایکشن میں دیکھیں گے، راشد خان لاہور میں کھیلنے کے لیے بیتاب ہیں جن کی گزشتہ سیزن خواہش پوری نہ ہو  سکی تھی۔

ثمین رانا نےلاہور قلندرز کے آل راؤنڈر ڈیوڈ ویسا سے متعلق کہا کہ وہ دو سال پہلے کی طرح لاہور میں کھیلنے کے لیے پرجوش ہیں۔

ثمین رانا نے لاہور میں میچز سے متعلق کہا کہ خوشی ہے کہ دو برس کے بعد لاہور میں پی ایس ایل کے میچز ہو رہے ہیں، لاہور میں ہر ٹیم کو سپورٹ ملتی ہے۔