1.4 ٹریلین روپے مالیت کے 70,000 سے زیادہ ہاؤسنگ پروجیکٹس کی منظوری دی گئی ہے ، وزیراعظم

وزیراعظم عمران خان کی زیر صدارت قومی رابطہ کمیٹی برائے ہاؤسنگ، تعمیرات اور ترقی کا اجلاس ہوا،اجلاس میں وزیر اعظم کوبریفنگ دی گئی   کہ   پاکستان کی تاریخ میں پہلی بار کم لاگت کے مکانات کے لیے ایک پائیدار ماحولیاتی نظام تیار کیا گیا ہے، اس پر عمل درآمد کیا گیا ہے جس سے یہ شعبہ تیزی سے ترقی کے قابل ہوا ہے۔

اس موقع پر وزیر اعظم عمران خان نے کہا کہ  1.4 ٹریلین روپے مالیت کے 70,000 سے زیادہ ہاؤسنگ پروجیکٹس کی منظوری دی گئی ہے ،جس سے تعمیراتی صنعت پر مجموعی طور پر 7.3 ٹریلین روپے کا اثر پڑے گا ،12 لاکھ ملازمتیں پیدا ہوں گی،  یہ پی ٹی آئی حکومت کی بڑی کامیابی ہے ۔

 وزیراعظم  نے کہا کہ  کل 80,000 درخواستوں میں سے 130 ارب روپے کی 35,420 درخواستوں کو منظور کیا گیا ہے، اب تک 13,407 درخواست دہندگان کو مجموعی طور پر 46 ارب روپے فراہم کیے جا چکے ہیں، ہفتہ وار 7 ارب روپے کی درخواستیں موصول ہو رہی ہیں ، درخواستوں پر 4 ارب روپے منظور اور 2 ارب روپے ہر ہفتے تقسیم کیے جا رہے ہیں،  جس سے ظاہر ہوتا ہے کہ وضع کردہ نظام موثر طریقے سے کام کر رہا ہے۔