پیپلزپارٹی  نےسلیکٹڈ حکومت کیخلاف اعلان جنگ کیاہے،بلاول بھٹو

چیئرمین پیپلزپارٹی بلاول بھٹونے  ورکرزکنونشن سے خطاب کرتے ہوئے کہا کہ پیپلزپارٹی  نےسلیکٹڈحکومت کیخلاف اعلان جنگ کیاہے، اس کٹھ پتلی حکومت کے خاتمےکابندوبست کرناہے، ملک اور عوام پر مسلط نظام کے خاتمےکاانتظام کرناہے۔

بلاول بھٹو نے کہا کہ چینی اور کھاد بحران  پر ملک بھرمیں احتجاج کیا، پٹرول اور گیس بحران پرعوام کے شانہ بشانہ احتجاج کیا، اسلام آبادپہنچ کر اس وزیراعظم سے حساب لیں گے، ہم سب نے مل کر یہ جنگ لڑنی ہے،جدوجہد کرنی ہے۔انہوں نے کہا کہ  عوام کو کیا منہ دکھائیں گےمہنگائی ابھی آئی،مارچ میں مارچ کریں، آج مہنگا ئی عروج پر ہے تومارچ کے آخر کاانتظارکیوں کریں۔

چیئرمین پیپلزپارٹی کا کہنا تھا کہ   27فروری کو کراچی سے نکلیں گے،اسلام آبادپہنچیں گے۔جی ٹی روڈ سےہوکراسلام آبادجائیں گے، پاکستان کے عوام کواس عذاب سے نجات دلائیں گے،ہمارا سفر صرف اسلام آبادکیلئے نہیں،پورےملک کیلئے ہے۔

بلاول بھٹو نے مزید کہا کہ سب سے زیادہ کرپشن پی ٹی آئی حکومت میں ہوئی، خان صاحب کہتے تھے کسی کو نہیں چھوڑں گااب سب کو چھوڑدیا، حکومت کی نالائقی عوام کے سامنے رکھ کرحساب لینا ہے۔ان کا کہنا تھا کہ ہم نے عدم اعتماد کی مہم چلانی ہے، جدوجہد سے ہم  عوام کو اس عذاب سے نجات دلائیں گے،،مارچ شروع ہونے سےپہلے ان کی ایک وکٹ گر گئی۔