مولانا فضل الرحمان کی چوہدری برادران سے ملاقات، سیاسی صورتحال پر گفتگو

مولانا فضل الرحمان چوہدری برادران سے ملاقات کیلئے ان کی رہائش گاہ پہنچے جہاں اسپیکر پنجاب اسمبلی پرویز الٰہی نے ان کا استقبال کیا۔

مولانا فضل الرحمان نے چوہدری شجاعت سے ملاقات کی اور ان کی خیریت دریافت کی۔

اس دوران مولانا فضل الرحمان نے چوہدری شجاعت حسین کی صحت یابی کیلئے دعا بھی کی۔

ذرائع کا کہنا ہے کہ ملاقات میں حکومت کے خلاف عدم اعتماد اور ملکی سیاسی و معاشی صورتحال پر گفتگو کی گئی۔

خیال رہے کہ گزشتہ روز پاکستان ڈیموکریٹک موومنٹ نے حکومت کے خلاف تحریک عدم اعتماد لانے اور اتحادی جماعتوں سے رابطے کرنے کا اعلان کیا تھا۔

پاکستان مسلم لیگ (ق) وفاق اور پنجاب میں حکومتی اتحاد میں شامل ہے۔