پی ایس ایل 7: آج اسلام آباد یونائیٹڈ کا مقابلہ کراچی کنگز سے ہوگا 

تفصیلات کے مطابق لاہور کے قذافی اسٹیڈیم میں آج کھیلے جانے والا میچ پاکستانی وقت کے مطابق شام ساڑھے 7 بجے شروع ہوگا ۔ اسلام آباد یونائیٹڈ شاداب خان کی قیادت میں جبکہ کراچی کنگز بابر اعظم کی کپتانی میں میدان میں اُتریں گی ۔ 

میچ کے لیے دونوں ٹیمیں ان کھلاڑیوں پر مشتمل ہیں۔

کراچی کنگز: 

 بابراعظم (کپتان)، شرجیل خان، جو کلارک (وکٹ کیپر)، محمد نبی، ٹام لیمونبی، لیوس گریگوری، عماد وسیم، عامر یامین، محمد عمران، محمد طحہ، محمد الیاس

اسلام آباد یونائیٹڈ:

ایلکس ہیلز، پال سٹرلنگ ، کولن منرو، آصف علی، مبشر خان ، اعظم خان ، شاداب خان (کپتان )  محمد وسیم  جونیر ، فہیم اشرف ، حسن علی ، مرچنٹ 

پوائنٹس ٹیبل: 

پی ایس ایل 7 میں پوائنٹس ٹیبل پر ملتان سلطانز کی ٹیم 12 پوائنٹس کے ساتھ پہلے نمبر پر جبکہ لاہور قلندرز کی ٹیم 10 پوائنٹس کے ساتھ دوسرے نمبر پر ہے ۔ اسلام آباد یونائیٹڈ، کوئٹہ گلیڈی ایٹرز اور پشاور زلمی کے 6، 6 پوائنٹس ہیں جبکہ نیٹ رن ریٹ کی وجہ سے یہ بالترتیب تیسرے، چوتھے اور پانچویں نمبر پر ہیں  ۔

کراچی کنگز کی ٹیم اب تک  کسی بھی میچ میں فتح حاصل کرنے میں  کامیاب نہیں ہوئی ہے ور وہ ٹیبل پر آخری نمبر پر ہے۔

خیال رہے کہ گزشتہ روز کھیلے گئے میچ میں لاہور قلندرز نے کوئٹہ گلیڈی ایٹرز کو 8 وکٹوں سے شکست دی تھی۔