اوگرا کی پٹرول ساڑھے8روپے فی لٹرمہنگا کرنے کی تجویز، ذرائع

ذرائع کا کہنا ہے کہ  سولہ فروری سے پٹرولیم مصنوعات ساڑھے آٹھ روپے فی لیٹر تک مہنگی ہونے کا امکان ہے۔  اوگرا نے قیمتوں میں اضافے کی سمری پٹرولیم ڈویژن کو بھجوا دی۔

ذرائع کے مطابق  اوگرا کی پٹرول ساڑھے8روپے فی لٹرمہنگا کرنے کی تجویز ہے،  ڈیزل ساڑھے 5 روپے فی لٹرمہنگا کرنے کی تجویز دی گئی ہے، اوگرا نے اضافے کی ورکنگ موجودہ لیوی کی بنیاد پر کی ہے۔

ذرائع نے بتایا ہے کہ  اگر وفاقی حکومت نےلیوی بڑھائی تو اضافہ اس سے زیادہ بنے گا، پٹرولیم مصنوعات پر لیوی میں مزید کمی کے امکانات کم ہیں۔ پٹرولیم مصنوعات کی قیمتوں سے متعلق فیصلہ وزیراعظم کریں گے،  پٹرولیم مصنوعات کی نئی قیمتوں کا اعلان کل کیا جائے گا۔