اے سی سی اے کے  بین الاقوامی امتحانات میں  چار پاکستانی طلبا نے میدان مار لیا

تفصیلات کے مطابق  اے سی سی اے کے  بین الاقوامی امتحانات میں  چار پاکستانی طلبا نے میدان مار لیا ہے،   اے سی سی اے امتحانات میں پاکستانی طلبا نے بے مثال کامیابی حاصل  کر کے  عالمی سطح پر قوم کا سر فخر سے بلند کر دیا۔

اے سی سی اے پاکستان ہیڈ اسد حمید خان کا کہنا ہے کہ   طلبا کی کامیابی خوش آئند ہے، پاکستانی طلبا سخت محنت کر رہے ہیں۔

لاہور کے طالبعلم ارحم علی نے  مینٹیننگ فنانشل ریکارڈ کے امتحان میں سب سے زیادہ مارکس حاصل کیے،   لاہور ہی کے ایک اور طالبعلم اسامہ مہاریر نے مینجنگ کاسٹس اینڈ فنانس کے امتحان میں ٹاپ کیا۔

کراچی کی طالبہ کومل باوانی نے اے سی سی اے کے مینجمنٹ فنکشن میں بہترین اسکور کیا جبکہ   پشاور کے طالبعلم محمد عمیر جان نے فنانشل ٹرانزیکشنز کے امتحان میں عالمی سطح پر ٹاپ کیا۔