وفاقی کابینہ نےفرسٹ کلاؤڈ پالیسی اورپرسنل ڈیٹا پروٹیکشن بل منظورکرلیا

تفصیلات کے مطابق  ڈیجیٹل دنیا سے خود کو ہم آہنگ کرنے کیلئے وزارت آئی ٹی کا اہم اقدام،  وفاقی کابینہ نےفرسٹ کلاؤڈ پالیسی اورپرسنل ڈیٹا پروٹیکشن بل منظورکرلیا ہے۔

 وفاقی وزیرآئی ٹی سید امین الحق کا کہنا ہے کہ  اہم ترین بل اور پالیسی کی منظوری پر وزیراعظم اور کابینہ کے شکر گزار ہیں،  پرسنل ڈیٹا پروٹیکشنل بل پارلیمنٹ سے منظوری کے بعد ایکٹ بن جائے گا، بل کامقصد شہریوں، سرکاری ونجی اداروں کےآن لائن ڈیٹاکی پرائیویسی یقینی بنانا ہے۔

امین الحق نے مزید کہا کہ  تمام متعلقہ ادارے ڈیٹا، خدمات اورسسٹم کی سائبر سیکیورٹی سےہم آہنگی یقینی بنائیں گے، کلاؤڈ فرسٹ پالیسی وفاقی وزارتوں، محکموں، خودمختار اداروں کا احاطہ کرے گی۔