کراچی ایئرپورٹ کے ایپرون ایریا میں اجازت نامے کے بغیر گاڑیاں لائے جانے انکشاف

تفصیلات کے مطابق  کراچی ایئرپورٹ کے ایپرون ایریا جیسے حساس مقام پر سیفٹی رولز کی بڑی خلاف وزری کا انکشاف ہوا ہے، کراچی ایرپورٹ کے ایپرون ایریا میں اجازت نامے کے بغیر گاڑیاں لائے جانے انکشاف ہوا ہے جس کے بعد  سی اے اے نے معاملے کا نوٹس لیکر تمام ایرلاینز اور سرکاری محکموں کو وارننگ جاری کردیہے۔

مراسلے میں کہا گیا ہے کہ  بغیر پرمٹ کے گاڑیوں کا ایپرون ایریا میں لانا سیفٹی کی سخت خلاف ورزی ہے، کراچی ایرپورٹ کے ایپرون ایریا میں بغیر ایپرون ڈرائیونگ پرمٹ کے گاڑیوں کے داخلہ بھی ایپرون رولز کی سخت خلاف ورزی ہے۔سی اے اے نے کراچی ایرپورٹ پر کام کرنے والے تمام سرکاری محکموں اور ایرلاینز کو احتیاط کی ہدایت کردی۔

مراسلے کے مطابق  بغیر ایپرون ڈرائیونگ پرمٹ اور اپروں وہیکل پرمٹ کے کراچی ایرپورٹ ایپرون ایریا میں گاڑیوں کی اجازت نہیں ہوگی،ائیرپورٹ پر کام کرنے والے تمام ادارے اور ایرلاینز ایپرون ایریا میں کام کرنے اپنے ملازمین کو رولز اور ایس او پیز پر عمل درآمد کرنے کی ہدایت کریں۔

سی اے اے نے ایپرون رولز اور ایس او پیز کی خلاف ورزی کرنے پر سخت کارروائی کا عندیہ دے دیا۔