وزیر اعظم سے عثمان بزدار کی ملاقات، مختلف امور پر تبادلہ خیال

تفصیلات کے مطابق  وزیراعظم عمران خان سے وزیراعلیٰ پنجاب سردار عثمان بزدارکی ملاقات ہوئی ہے،  ملاقات میں چیف سیکرٹری پنجاب کامران علی افضل اور آئی جی پنجاب راؤ سردار علی خان  نے بھی شرکت کی۔ ملاقات میں صوبہ پنجاب کی سول انتظامیہ اور امن و امان سے متعلق امور پر تبادلہ خیال کیا گیا اس کے علاوہ   ترقیاتی منصوبوں کی پیشرفت پر تفصیلی بریفنگ بھی دی گئی۔

وزیراعظم نے صوبے میں عام آدمی کو فوری اور موثر خدمات کی فراہمی کے لیےبھرپوراقدامات کرنے کی ہدایت کی۔ انہوں نے عوام کے جان و مال اور مفادات کے تحفظ کے لیے شرپسندوں، ذخیرہ اندوزوں، اور قبضہ مافیا کے خلاف بھی موثر اقدامات کرنے  کی ہدایت کی۔