اٹارنی جنرل نے نواز شریف کے ڈاکٹر ڈیوڈ لارس کو خط لکھ دیا

تفصیلات کے مطابق اٹارنی جنرل نے نواز شریف کے ڈاکٹر ڈیوڈ لارس کو خط لکھ دیا۔ اٹارنی جنرل نے خط لندن ہائی کمیشن کے ذریعے لکھا۔

خط میں کہا گیا ہے کہ  بتایا جائے کہ  پاکستان کے ڈاکٹر کب آپ سے مل کر میڈیکل ریکارڈ کا جائزہ لیں، ڈاکٹر ز کی آپ سے ملاقات 22 فروری سے 13 مارچ کے دوران شیڈول کی جائے، ملاقات کی تاریخ سے چار روزقبل آگاہ کیا جائے۔

خط کے مطابق  یہ کارروائی میاں نواز شریف اور شہباز شریف کی جانب سے  لاہور ہائی کورٹ میں جمع کرائی گئی انڈر ٹیکنگ  کی روشنی میں کی جارہی ہے، پاکستان کے نامزد کردہ ڈاکٹر آپ سے مل کر  نواز شریف کی صحت سے متعلق تصدیق کرنا چاہتے ہیں، نامزد کردہ ڈاکٹر نواز شریف کی رپورٹ کا جائزہ لیں گے، نواز شریف کی میڈیکل رپورٹ کا جائزہ لیے بغیر ڈاکٹر کوئی رائے دینے سے قاصر ہیں۔