اسلام آباد ہائیکورٹ نے فیصل ووڈا کی نااہلی کیخلاف درخواست مسترد  کردی

تفصیلات کے مطابق اسلام آباد ہائیکورٹ نے فیصل ووڈا کی نااہلی کیخلاف درخواست مسترد  کردی ہے، عدالت نے درخواست کو ناقابل سماعت قرار دے کر خارج کر دیا ۔چیف جسٹس اطہر من اللہ  نے درخواست پر فیصلہ سنایا۔

قبل ازیں فیصل واؤڈاکی تاحیات نااہلی کیخلاف درخواست قابل سماعت ہونے پر فیصلہ محفوظ کیا تھا۔ گزشتہ روز فیصل واؤڈا نے الیکشن کمیشن کی جانب سے تاحیات نااہلی کو چیلنج کیا تھا۔

واضح رہے کہ چیف الیکشن کمشنر کی سربراہی میں تین رکنی بینچ نے گزشتہ ہفتے فیصل واوڈا کو دہری شہریت کیس میں نااہل قرار دیدیا تھا۔