اپوزیشن کی تحریک عدم اعتماد  کی کامیابی کی صورت میں پاور شیئرنگ فارمولا کیا ہوگا ؟

ذرائع کا کہنا ہے کہ  مسلم لیگ ن  تحریک عدم اعتماد کی کامیابی کے فوری بعد انتخابات چاہتی ہے جبکہ پیپلزپارٹی کا موقف ہے کہ  تحریک عدم اعتماد کی کامیابی کی صورت میں بھی پارلیمنٹ اپنی مدت پوری کرے ۔

مجوزہ زرداری فارمولا ہے کہ  شہباز شریف وزیراعظم اور پرویز الٰہی کو وزیراعلیٰ  پنجاب بنا دیا جائے، آصف زرداری کے پاور شئیرنگ فارمولے میں پیپلز پارٹی نے اپنے پاس کوئی عہدہ نہیں  رکھا۔

ذرائع کے مطابق  مرکز اور پنجاب میں ن اور ق ،بلوچستان اور خیبرپختونخوا کی حکومتیں برقرار رکھی جائیں ، آصف زرداری اور مولانا فضل الرحمان، چوہدری اور شریف برادران میں ڈیل کے ضامن ہوں گے، ڈپٹی چیئرمین سینیٹ کی سیٹ جے یو آئی کو دی جائے۔

آصف زرداری نے چوہدری شجاعت حسین سے گفتگو کی ہے کہ  ہم پرویز الٰہی کو پنجاب میں وزیراعلی دیکھنا چاہتے ہیں۔