پیٹرولیم مصنوعات کی قیمتوں میں اضافہ ، پبلک ٹرانسپورٹ میں کرایوں کا بم گرا دیا گیا

تفصیلات کے مطابق وفاقی حکومت کی طرف سے پٹرول کی قیمت میں12 روپے سے زائد کا اضافہ کیا گیا ہے جس کے بعد پبلک ٹرانسپورٹرز کی جانب سے کرایوں مں  200 سے 300روپے تک کا اضافہ کر دیا گیا ۔ پبلک ٹرانسپورٹرز نے راولپنڈی کا کرایہ 1450 سے بڑھا کر 1650 کر دیا  جبکہ  راولپنڈی مری کا 1800 روپے بڑھا کر  روپے  2000 روپےکر دیا گیا ۔  اسی طرح  پشاور کا 1700 روپے سے بڑھا کر 2000 روپے کر دیا گیا ، ملتان کا 1250 روپے سے بڑھا کر 1450 روپے کر دیا گیا۔ 

ٹرانسپورٹرز کی جانب سے  ساہیوال کا  کرایہ  650 روپے بڑھا کر 850 روپے کر دیا گیا ، سیالکوٹ 700 کی بجائے 900 روپے ، راجن پور1600 کی 1800 روپے جبکہ  بہاولپور 1450 سے بڑھا کر 1650 روپے کر دیا گیا۔  کراچی کا 4000 روپے سے بڑھا کر 4200 روپے کر دیا گیا۔

اسی طرح فیصل آباد ٹرانسپورٹرز نے   لاری اڈا میں لاہور کا کرایہ 350 سے بڑھا کر 400 کردیا گیا جبکہ ملتان کا کرایہ 4450 سے بڑھا کر 500روپے کردیا اسلام آباد کا کرایہ 800 سے بڑھا کر 1000 روپے کردیا گیا۔  رحیم یار خان اور صادق آباد کا کرایہ ایک ہزار سے بڑھا کر1200 روپے کردیا۔ 

لوکل ٹرانسپورٹ کی جانب سے بھی کرایوں میں اضافہ کیا گیا ہے، لوکل میں کرایہ رکشہ اور ویگن میں 30 سے بڑھا کر چالیس روپے کردیا گیا۔ 

کرایوں میں اضافے پر ردعمل دیتے ہوئے مسافروں کا کہنا ہےکہ پٹرولیم مصنوعات کی قیمتیں بڑھنے سے کارروباری طبقے کو نہیں عوام کو فرق پڑتا ہے ، ٹرانسپورٹرز نے اپنے اخراجات عوام سے پورے کرنے ہیں۔ ہر طرف غریب آدمی ہی مہنگائی کی چکی پس رہا ہے ۔ 

خیال رہے کہ اپوزیشن جماعتوں نے  بھی حکومت کی جانب سے  پیٹرولیم مصنوعات کی قیمتوں میں اضافہ مسترد  کردیا ہے ۔ 

واضح رہے کہ حکومت نے پیٹرول کی قیمت میں 12 روپے 3 پیسے، ڈیزل کی قیمت میں 9 روپے 53 پیسے، مٹی کے تیل کی قیمت میں 10 روپے 8 پیسے اور لائٹ ڈیزل کی قیمت میں 9 روپے 43 پیسے فی لیٹر اضافہ کر دیا ہے۔