بی آر ٹی پشاور کو بین الاقوامی گولڈ سٹینڈرڈ سروس کا درجہ مل گیا

تفصیلات کے مطابق  بی آر ٹی پشاور کیلئے ایک اور بہت بڑا اعزاز،  بی آر ٹی پشاور کو بین الاقوامی گولڈ سٹینڈرڈ سروس کا درجہ مل گیا۔

صوبائی حکومت کا کہنا ہے کہ  اب تک دنیا بھر میں بی آر ٹی گولڈ سٹینڈرڈ سروس ایوارڈ صرف 6 مملک کو حاصل ہو سکا ہے۔بی آر ٹی پشاور کو گولڈ سٹینڈرڈ سروس کا ایوارڈ عالمی بی آر ٹی کمیٹی کی جانب سے دیا گیا۔

بی آرٹی سے متعلق  ایک تقریب وزیر اعلی ہاوس پشاور میں منعقد ہوئی۔ صوبائی وزیر کامران بنگش نے بی آر ٹی گولڈ اسٹینڈرڈ ایوارڈ وصول کیا۔ 

صوبائی وزیر کامران بنگش نے کہا کہ  پاکستان گولڈ سٹینڈرڈ بی آر ٹی سروس ایوارڈ حاصل کرنے والا دنیا کا 7واں ملک بن گیا۔ بی آر ٹی پشاور گولڈ سٹینڈرڈ سروس ایوارڈ کیلئے 100 میں 97 پوائنٹس لے کر عالمی ریکارڈ بنا ڈالا، گولڈ سٹینڈرڈ سروس ایوارڈ حاصل ہونا پاکستان اور حکومت خیبر پختون خواہ کیلئے باعث اعزاز ہے۔

تقریب میں صوبائی وزرا،ایشین ڈویلیپمنٹ بنک، اے ایف ڈی، بین الاقوامی بی آر ٹی کمیٹی کے ممبران سمیت دیگر لوگوں نے شرکت کی۔  بین الاقوامی بی آر ٹی کمیٹی کے ممبر ڈاکٹر والڑ ہوک نے بی آر ٹی گولڈ اسٹینڈرڈ سروس ایوارڈ صوبائی وزیر کامران بنگش کے حوالے کیا۔ 

ڈاکڑ والڑ ہک نے کہا کہ کسی بھی بی آر ٹی سسٹم کیلئے گولڈ سٹینڈرڈ سروس کا درجہ ملنا سب سے بڑا اعزاز ہوتا ہے۔ میں پاکستان، پشاور آتے ہی بی آر ٹی میں خود سفر کیا اور مسافروں سے تاثرات بھی لیے۔  بی آر ٹی پشاور کی جانب سے شہریوں کو دی جانے والی سروسز لاجواب ہیں۔