پنجاب ہیلتھ کیئر کمیشن نے کورونا کے تشخیصی پی سی آرٹیسٹ کے نرخ مزید کم کر دیے

تفصیلات کے مطابق  پنجاب ہیلتھ کیئر کمیشن نے کورونا کے تشخیصی پی سی آرٹیسٹ کے نرخ مزید کم کر دیے گئے،  ترجمان پنجاب ہیلتھ کیئر کمیشن کہنا ہے کہ اسپتالوں، نجی لیبارٹریزاور کولیکشن سنٹرز کو 4500روپے وصول کر نے کی ہدایت کی ہے۔ نئے نرخ کٹس کی قیمتوں سے منسلک کر دیے گئے ہیں۔

مراسلے میں کہا گیا ہے کہ  ٹیسٹنگ کٹ کی قیمت 1500روپے سے زائد ہوتو نرخ4500روپے ہونگے، اگر کٹ کی قیمت 1500روپے سے کم  ہوتو ٹیسٹ کے نرخ 3000روپے ہونگے۔پنجاب ہیلتھ کیئر کمیشن نے ہدایت کی ہے کہ  ان قیمتوں کا اطلاق فوری طورپر ہوگا۔

مراسلے کے مطابق  تما م علاجگاہوں،نجی لیبارٹریوں اورکولیکشن سنٹرزکوکمیشن کی ٹیمیں چیک کریں گی، زیادہ نرخ وصول کر نے پر بھاری جرمانہ عائد ہوگا،کمیشن کی رجسٹریشن کوختم  کردیا جائے گا۔