محسن بیگ معاملہ: حکومت  کاایڈیشنل سیشن جج کے خلاف ریفرنس دائر کرنیکا فیصلہ، ذرائع

ذرائع کے مطابق  وزیر اعظم عمران خان  سے  ایڈووکیٹ جنرل اسلام آباد نیاز اللہ نیازی کی ملاقات ہوئی ، ایڈووکیٹ جنرل نے محسن بیگ والے معاملے پر وزیر اعظم عمران خان کو بریفنگ دی۔

ذرائع کے مطابق ایڈووکیٹ جنرل نیاز اللہ نیازی نے  کہا کہ  جو کچھ میڈیا اور سوشل میڈیا پر چل رہا ہے سچ نہیں ہے، کچھ عناصر ہیں جو پی ٹی آئی کی مخالفت میں محسن بیگ والے معاملے کو غلط رنگ دے رہےہیں، قانون سے بالاتر کوئی نہیں ہے۔

 ایڈووکیٹ جنرل نیاز اللہ نیازی   نے کہا کہ  محسن بیگ نے ایف آئی اے کے اہکار کو زخمی کیا،  محسن بیگ نے پولیس اور ایف آئی اے کے اہلکاروں پر بندوق تھانے، محسن بیگ نے آن ڈیوٹی پولیس اور ایف آئی اہلکاروں کو دھمکیاں دی،  میڈیا پرسن ہونے کا مطلب یہ نہیں ہے کہ قانون اپنے ہاتھ میں لیں۔

 ایڈووکیٹ جنرل نیاز اللہ نیازی  نے مزید کہا کہ  ایڈیشنل سیشن جج نے جلد بازی میں محسن بیگ کے حوالے سے حکم جاری کیا، ایڈیشنل سیشن جج کی جانب سے قانون تقاضے پورے نہیں کئے گئے،  بہت جلد ایڈیشنل سیشن جج کے خلاف ریفرنس دائر کیا جائے گا۔

وزیر اعظم عمران خان نے کہا کہ قانون سب کیلئے برابر ہے، اپوزیشن کے پاس حکومت پر تنقید کے لئے ایجنڈا نہیں ہے،  میری حکومت پر تنقید برائے تعمیر کریں تو مجھے خوشی ہوتی ہے،   تنقید کا مطلب کسی کے ذات پر حملہ کرنا نہیں،  قانون کی حکمرانی کے لئے ہر قدم اٹھانے کو تیار ہوں۔