تحریک عدم اعتماد کا معاملہ: پیپلزپارٹی اور جے یو آئی کے درمیان اہم ٹیلیفونک رابطہ، ذرائع

ذرائع کا کہنا ہے کہ  پاکستان پیپلزپارٹی اور جے یو آئی کے درمیان اہم ٹیلیفونک رابطہ ہوا ہے ، سابق صدر آصف زرداری اور پی ڈی ایم سربراہ مولانا فضل الرحمان کے درمیان مل بیٹھنے پر اتفاق ہوا ہے، دونوں  رہنماؤں کے  درمیان  موجودہ ملکی سیاسی صورتحال پر تبادلہ خیال کیا گیا۔

ذرائع کے مطابق  سابق صدر آصف زرداری نے مولانا فضل الرحمن سے ون آن ون ملاقات کی درخواست کی، مولانا فضل الرحمن  ڈیرہ اسماعیل خان  سے اسلام آباد  پہنچ کر چند دن میں  آصف ذرداری  سے ملاقات کریں گے ،  آصف زرداری اور مولانا فضل الرحمان کے درمیان ملاقات میں وزیراعظم کے خلاف تحریک عدم اعتماد پر بات چیت ہوگی۔