احمد آباد دھماکے: بھارتی عدالت نے مقدمے میں ملوث38ملزمان کو سزائے موت سنادی

غیر ملکی خبر رساں ادارے کے مطابق  بھارتی شہر احمدآباد میں سال2008 میں ہونے والے سلسلہ وار بم دھماکوں کے مقدمے میں ملوث مجرمان کی سزا کا فیصلہ کردیا گیا۔38ملزمان کو سزائے موت اور11 کو عمرقیدسنادی گئی ہے۔ خصوصی عدالت کے جج نے فیصلہ سناتے ہوئے38 ملزمان کو سزائے موت جبکہ11 کو عمرقید کی سزا سنائی۔

عدالتی فیصلے میں دھماکوں میں مرنے والوں کو ایک لاکھ روپے اور زخمیوں کو50 ہزار روپے معاوضہ دینے کا بھی حکم دیا گیا   ان دھماکوں میں 56 افراد ہلاک اور 200 سے زیادہ زخمی ہوئے تھے۔

سینئر پبلک پراسیکیوٹر کے مطابق تقریباً 80 ملزمان پر مقدمہ چلایا گیا، 13 سال سے زیادہ پرانے کیس میں گجرات کی عدالت نے گزشتہ سال ستمبر میں سماعت مکمل کی تھی۔