پاکستان بیلجئم کے ساتھ تعلقات کو بڑی اہمیت دیتا ہے، آرمی چیف

پاک  فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق آرمی چیف جنرل قمر جاوید باجوہ نے بیلجئم کا دورہ کیا، اس دوران سپہ سالار کی بیلجئم کے وزیر دفاع، چیف آف ڈیفنس اور چیف آف سٹاف سے ملاقات کی۔

آئی ایس پی آر کے مطابق  ملاقات کے دوران باہمی دلچسپی کے امور ،علاقائی سکیورٹی صورتحال، باہمی تعلقات پر تبادلہ خیال کیا گیا۔  دونوں جانب سے عسکری اور دفاعی پیداوار میں تعاون کے فروغ اور انسداد دہشت گردی، انٹیلی جنس، تربیت کے شعبوں میں تعاون بڑھانے پر بھی اتفاق کیا گیا۔

آرمی چیف  جنرل قمر جاوید باجوہ نے اس موقع پر کہا کہ  پاکستان بیلجئم کے ساتھ تعلقات کو بڑی اہمیت دیتا ہے۔

ترجمان پاک فوج کا کہنا ہے کہ  بیلجئم کی عسکری قیادت نے پاکستان کی مسلح افواج کے پیشہ ورانہ معیار کی تعریف کی۔