سرگودھا : ٹریفک حادثے میں 2 افراد جاں بحق 

جی این این کے مطابق حادثہ سرگودھا لاہور روڈ پر 91 چک کے قریب پیش آیا جہاں غلط سائیڈ سے آنیوالےتیزرفتار  ڈمپر نے موٹرسائیکل سواروں کو ٹکر ماری جس کے نتیجے میں دو افراد جان کی بازی ہار گئے ۔

حادثے کی اطلاع ملتے ہی پولیس اور امدادی ٹیمیں موقع پر پہنچ گئیں ۔ پولیس ذرائع کے مطابق  جاں بحق ہونیوالے دونوں افراد کی شناخت محمد اسلم اور محمد وکیل کے نام سے ہوئی ہے۔

پولیس نے قانونی کارروائی کا آغاز کرتے ہوئے نعشیں ہسپتال منتقل کر دیں ، حادثہ کے بعد ڈمپر ڈرائیور نے فرار ہونے کی کوشش کی تو شہریوں نے گاڑی پر پتھراؤ کیا  تاہم ڈمپر ڈرائیور گاڑی چھوڑ کر فرار ہونے میں کامیاب ہو گیا ۔ 

پولیس نے ڈمپر قبضہ میں لیکر ڈرائیور کی تلاش شروع کر دی ہے ۔