پی ایس ایل 7: راشد خان آج اپنا آخری میچ کھیلیں گے

تفصیلات کے مطابق افغانستان کے معروف لیگ اسپنر راشد خان  کا پی ایس ایل سیزن 7   کا سفر آج اپنے اختتام کو پہنچ  رہا ہے ، راشد خان آج اسلام آباد یونائیٹڈ کے خلاف میچ میں حصہ لیں گے، لیگ اسپنر میچ کے بعد پاکستان سے روانہ ہوں گے ۔

راشد خان  اپنے ملک افغانستان کی جانب سے بنگلہ دیش کے خلاف سیریز میں حصہ لیں گے۔ 

دوسری جانب  راشد خان کے متبادل کے طور پر آسٹریلوی اسپنر فواد احمد پہلے ہی لاہور قلندرز کو جوائن کر چکے ہیں۔

واضح رہے کہ لاہور قلندرز کے لیگ اسپنر راشد خان پی ایس ایل کے رواں سیزن میں 8 میچز میں 11 وکٹیں حاصل کرچکے ہیں۔