پنجاب ہیلتھ کیئر کمیشن کا25 شہروں میں عطائیوں پرکریک ڈاؤن، 154 دکانیں سیل

تفصیلات کے مطابق پنجاب ہیلتھ کیئر کمیشن نے 25 شہروں میں عطائیوں پرکریک ڈاؤن کیا ہے۔ ترجمان پنجاب ہیلتھ کیئر کمیشن کا کہنا ہے کہ  1,345علاجگاہوں پر ریڈز،154 عطائیوں کی دکانیں سربمہرکر دی گئیں۔لاہور میں 178مراکز پر چھاپے،12عطائیت کے اڈے سربمہر کئے گئے۔لاہور میں شبیر پہلوان،لاچیانوالہ ہڈی جوڑ،چیمہ کلینک،اسلم دندان ساز،سبطین ڈینٹل،عبدالروف کلینک سیل کر دیے گئے۔شہر میں اعجاز کلینک،حسن ہومیوکلینک،اظہر کلینک،فیاض میڈیکل سٹور،شکیل کلینک اور علی ڈیجیٹل لیب بھی بند کردی گئی۔

ترجمان پی ایچ سی کا کہنا ہے کہ  سیل کیے گئے اڈوں میں سب سے زیادہ تعداد ایسے عطائیوں کی تھی جو جنرل فزیشنزبنے ہوئے تھے۔ قصور اور سیالکوٹ ہر ایک میں 12،شیخوپورہ اوراوکاڑہ میں گیارہ گیارہ جبکہ ملتان اور گجرانوالہ ہر ایک میں 10مراکزسر بمہر کیے گئے۔ کمیشن نے اب تک 35,876عطائیوں کے کاروباربند جبکہ 28,810 کے مراکز پر کاروبار ترک کردیے گئے ہیں۔