پی ایس ایل7: ملتان سلطانز ،لاہورقلندرز کو شکست دے کر فائنل میں پہنچ گیا

لاہورکے قذافی اسٹیڈیم میں کھیلے گئے میچ میں لاہور قلندرز نے ملتان سلطانز کے خلاف ٹاس جیت کر پہلے فیلڈنگ کا فیصلہ کیاتھا۔

دفاعی چیمپئن ملتان سلطانز نے مقررہ 20 اوورز میں  2وکٹوں کے نقصان پر 163 رنز بنائے، جواب میں لاہور کی ٹیم 9 وکٹوں کے نقصان پر 135 رنز بناسکی۔

ملتان سلطانز کی جانب سے  رائیلی روسو نے 65 رنز کی ناقابل شکست اننگز کھیلی،کپتان محمد رضوان بھی 53 رنز بناکر ناٹ آؤٹ رہے، ان کے علاوہ عامر عظمت نے 33 اور شان مسعود نے 2 رنز بنائے۔

لاہور قلندرز کی جانب سے محمد حفیظ اور سمت پٹیل نے ایک، ایک وکٹ حاصل کی۔

ہدف کے تعاقب میں لاہور قلندرز کی جانب سے فخر زمان  نے 63 رنز کی اننگز کھیلی جبکہ کامران غلام نے 20 ، ہیری بروک نے 13 اور سمت پٹیل نے 11 رنز بنائے۔

ان کے علاوہ ڈیوڈ ویسا 8 اور عبداللہ شفیق 5 رنز بناسکے،کپتان شاہین شاہ آفریدی اور فل سالٹ نے ایک ایک رن بنایا جب کہ محمد حفیظ صفر پر آؤٹ ہوئے۔

ملتان سلطانز کی جانب سے شاہنواز دہانی نے 3 اور ڈیوڈ ویلی نے 2کھلاڑیوں کو آؤٹ کیا۔