روس کا یوکرین پر حملہ  ،عالمی اسٹاک مارکیٹس میں مندی

دنیا بھر کی اسٹاک مارکیٹیں گراوٹ کا شکار ہوگئیں، جاپان، آسٹریلیا، چین، سنگاپور اور دیگر اسٹاک مارکیٹس میں 3 فیصد تک مندی ریکارڈ کی گئی ہے۔ 

سینسیکس انڈیکس میں 1400 پوائنٹس سے زائد مندی دیکھنے میں آئی ہے، جبکہ ممبئی میں دوران ٹریڈنگ انڈیکس 55ہزار 800 پوائنٹس کی سطح پر موجود ہے ۔ یوکرین پر حملے کے بعد بین الاقوامی سطح پر غلے کی قیمتوں میں 5 فیصد تک اضافہ ہوا ہے۔ سنگا پور کی مارکیٹس میں گندم کی قیمت میں 5.5 فیصد، مکئی میں 4 اور سویابین کی قیمت میں 2 فیصد تک اضافہ ہوا ہے ۔

پاکستان اسٹاک ایکسچینج میں بھی آج کاروبار کا منفی آغاز ہوا ہے۔ پاکستان اسٹاک ایکسچنج میں 800 پوائنٹس سے زائد کی کمی رہی ، جبکہ انڈیکس 44 ہزار 298 پوائنٹس کی سطح پر ٹریڈ ہورہا ہے۔ انڈیکس میں مجموعی طور پر 2 فیصد کی گراوٹ دیکھی گئی۔ 

دوسری جانب عالمی منڈی میں تیل 100 ڈالر فی بیرل سے تجاوز کر گیا۔جبکہ سونے کی فی اونس قیمت 16 ڈالر بڑھ گئی ہے۔ جبکہ  سونے کی فی اونس قیمت 16 ڈالر بڑھ گئی ہے۔

واضح رہے کہ روس نے یوکرین پر حملہ کر دیا، جس کے بعد یوکرین کے دارالحکومت کیف میں دھماکے سنے گئے ہیں۔ برطانوی میڈیا کے مطابق روسی صدر ولادیمیر پیوٹن نے یوکرین پر خصوصی فوجی آپریشن کا اعلان کرتے ہوئے یوکرین کی فوج سے ہتھیار ڈالنے کا مطالبہ کیا ہے۔