سابق انگلش کپتان نے PSL کو دنیا کی بہترین لیگ قرار دیدیا

لاہور: انگلش کرکٹ ٹیم کے سابق کپتان مائیکل وان نے پاکستان سپر لیگ کو دنیا کا بہترین ٹورنامنٹ قرار دے دیا۔

یہ پہلا موقع نہیں جب مائیکل کی جانب سے پی ایس ایل کے لیے مثبت اور اچھے الفاظ سننے کو ملے ہوں، اس سے قبل بھی سابق انگلش کپتان نے تعریف کرتے ہوئے کہا تھا کہ معیار کے مقابلے میں پی ایس ایل، آئی پی ایل سے زیادہ دور نہیں ہے، پاکستان سپر لیگ میں کرکٹ کا معیار شاندار ہے۔

مائیکل وان نے حالیہ ٹوئٹ میں کہا ہے کہ اس لیگ میں کھلاڑیوں کا معیار خاصہ اچھا ہے،  پی ایس ایل کے اختتام تک شائقین کی دلچسپی برقرار رہتی ہے جب کہ دیگر  ٹورنامنٹ میں ایسا نہیں ہوتا۔

انہوں نے کہا کہ اس لیگ میں کرکٹ کا معیار بھی شاندار ہے جس سے شائقین خوب محظوظ ہوتے ہیں۔  واضح رہے کہ پاکستان سپر لیگ 7 میں ملتان سلطانز فائنل کے لیے کوالیفائی کر چکی ہے جب کہ دوسری ٹیم کا فیصلہ 25 فروری کو ہوگا۔

ٹورنامنٹ میں آج بھی دو میچز کھیلے جائیں گے جس میں پشاور زلمی اور اسلام آباد یونائیٹڈ کی ٹیمیں آمنے سامنے ہوں گی، جیتنے والی ٹیم کا مقابلہ کل یعنی 25 فروری کو لاہور قلندرز سے ہوگا۔

The Pakistan Super league has it spot on … High quality players … Fewer games than other tournaments making it a few weeks shorter … It’s leaves you wanting a little bit more at the end … Other tournaments don’t … #Pakistan

— Michael Vaughan (@MichaelVaughan) February 23, 2022