روس یوکرین جنگ: روسی فوجیں یوکرین کے دوسرے بڑے شہر خارکیف میں داخل

غیر ملکی خبر رساں ادارے کے مطابق   روسی فوجیں یوکرین کے دوسرے بڑے شہر خارکیف میں داخل ہوچکے ہیں۔

یوکرین روس کے4ہزار3سو فوجی اہلکار مارنے کا دعویٰ کرچکاہے،یوکرینی حکام  کا کہنا ہے کہ روس کے 27طیارے،56ہیلی کاپٹر،146ٹینک،706بکتر بندگاڑیاں،49توپیں،1بک ائیرڈیفنس تباہ کردیے ہیں، روس کے 4گریڈراکٹ لانچ سسٹم،30گاڑیاں،60ٹینکر،2ڈرون اور 2کشتیاں بھی تباہ کردیں گئیں ہیں۔

غیر ملکی  خبر رساں ادارے کے مطابق روس میں پیسے نکلوانے والے افراد کا رش لگنے کا خدشہ ہے، حکام نے شہریوں کو تحمل سےکام لینے کی ہدایت کردی۔

یوکرین کے شہری بھی روسی فوج کی پیش رفت روکنے کی کوشش کررہے ہیں، جھڑپوں میں اب تک  یوکرین کے 2سو سےزائد شہری مارےجاچکے ہیں جبکہ11سوسے زائد زخمی ہیں،جھڑپوں کے سبب تین لاکھ ساٹھ ہزار سے زائد یوکرینی شہری ہمسایہ ممالک جاچکے ہیں۔ یواین ایجنسیوں نے یوکرین میں اپنی سرگرمیاں بندکردی ہیں۔