’پرچی چیئرمین‘ ساڑھے 13 سال کی اپنی حکومت کے خلاف احتجاج کرتے نظر آرہے ہیں، فرخ حبیب

تفصیلات کے مطابق  وزیر مملکت اطلاعات و نشریات فرخ حبیب نے  پیپلز پارٹی مارچ پر ردعمل دیتے ہوئے کہا ہے کہ  پرچی چیئرمین ساڑھے 13 سال کی اپنی حکومت کے خلاف احتجاج کرتے نظر آرہے ہیں،  بلاول، سندھ کے عوام آپ اور آپ کی بے انتہا کرپشن سے عاجز آچکے ہیں۔

فرخ حبیب نے کہا کہ  پیپلز پارٹی نے سندھ کے اداروں کا ستیاناس کردیا  ہے، کراچی میں گرین لائن بس ہو یا پسماندہ علاقوں کی ترقی، پینے کے صاف پانی کا منصوبہ ہو یا نالوں کی صفائی ہر طرف وفاق ہی نظر آتا ہے، بلاول اور اسکے بڑوں نے بھی دیکھ لیا کہ سندھ کے عوام "سندھ حقوق مارچ" کے ساتھ ہیں۔