فواد عالم ویب سیریز میں کام کرنے کیلئے تیار

تفصیلات کے مطابق قومی کرکٹر فواد عالم پاکستان کے پہلے او ٹی ٹی پلیٹ فارم اردو فلکس کی ویب سیریز کے ذریعے اداکاری کی دنیا میں ڈیبیو کرنے جارہے ہیں ۔ فواد عالم اردو فلکس کی ویب سیریز ’خودکش محبت‘ میں اداکاری کے جوہر دکھائیں گے۔ اردو فلکس کے آفیشل انسٹاگرام اکاؤنٹ پر کرکٹر فواد عالم کی پہلی ویب سیریز ’خودکش محبت‘ کا پوسٹر جاری کیا گیا ہے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by UrduFlix (@urduflixofficial)

گزشتہ دنوں ای میکس میڈیا کی جانب سے پاکستان کا پہلا او ٹی ٹی پلیٹ فارم اردو فلکس لانچ کیا گیا تھا۔

صارفین کی جانب سے   قومی کرکٹر کو کھیل کے میدان کے بجائے ٹی وی  اسکرین پر دیکھنے کا بے صبری سے انتظار کیا جا رہا ہے۔ یہ پہلا موقع نہیں  ہے جب فواد عالم اداکاری  کے جوہر دکھا  رہے ہیں۔ اس سے قبل وہ  سرکاری ٹی وی کے ایک ڈرامہ سیریل ’’ گھر داماد ‘‘ میں  کیمیو کر چکے ہیں۔

خیال رہے کہ فواد عالم نے حال ہی میں دس سال کے طویل وقفے کے بعد قومی ٹیسٹ اسکواڈ میں واپسی کی ہے ۔ انہوں نے 2020 میں واپسی کے بعد اب تک دو سنچریاں اسکور کی ہیں۔