عدم اعتماد ختم ہوگیا ہے،23مارچ کا لانگ مارچ نظر نہیں آرہا، شیخ رشید

وزیر داخلہ شیخ رشید نے جی این این سے گفتگو کرتے ہوئے کہا کہ  ہمارے ممبر پورے ہیں کوئی حکومت چھوڑ  کر نہیں جارہا،اپوزیشن کے غبارے سے ہوانکل گئی، عمران  خان  نے چودھری برادران سے ملاقات کرکے اچھا کیا۔انہوں نے کہا کہ  جمعہ بازار سیاست کا ختم ہوگیا، اپوزیشن اپنی سیاسی موت مرچکی ہے، عدم اعتماد ختم ہوگیا ہے،23مارچ کا لانگ مارچ نظر نہیں آرہا۔

وزیر داخلہ شیخ رشید نے کہا کہ  گزشتہ روز کے معاشی  ریلیف کے  بعد عمران خان اور مضبوط ہوچکے ہیں، وزیر اعظم عمران خان نے غریب کیلئےبڑا پیکیج دیا ہے ۔تحریک عدم اعتماد ٹھس ہوچکی ہے، کچھ نہیں ہورہا، انکے غبارے سے ہوانکل چکی ہے۔،اگر انہوں نے تحریک عدم اعتماد پیش کرنی ہے توکریں، یہ ٹیں ٹیں فش ہیں ، انہوں نے کچھ نہیں  کرنا ۔ شیخ رشید نے   کا مزید کہنا تھا کہ وزیراعلیٰ  پنجاب کے پیچھے وزیر اعظم کا ایک سو بیس فیصد ہاتھ ہے۔