بلا سود قرضوں کا پروگرام بہترین منصوبہ ہے:وزیر اعظم

اسلام آباد میں بلا سود قرضوں کی تقریب سے خطاب کے دوران وزیر اعظم کا کہنا تھا کہ پاکستان کو ریاست مدینہ کے اصلوں پر کھڑا کرنا تھا، اگر پاکستان کو آج عزت نہیں ملی تو اس کی وجہ صرف نظریہ سے ہٹ کر چلنا تھا،

وزیر اعظم نے کہا ہے کہ جو قوم اپنے نظریے سے ہٹتی ہے وہ کبھی کامیاب نہیں ہوسکتی، یورپ ملکوں میں ہمیں اسلام ںظر آتا ہے کیونکہ وہاں انصاف ہے اور میرٹ پر عملدرآمد ہوتا ہے۔

 وزیر اعظم کا کہنا تھا کہ نوجوانوں کو سیرت رسول ﷺ اور زندگی کے اصولوں سےآگاہ کرنا ہے، رحمت اللعالمین اتھارٹی پر کام کا آغاز کرنے جارہے ہیں۔

وزیر اعظم نے کہا ہے کہ ایف بی آر نے پہلی بار پاکستان میں ریکارڈ ٹیکس ہدف حاصل کیا ہے، دنیا میں تیل اور بجلی کی قیمتوں میں اضافہ ہورہا ہے لیکن ہم نے بجلی 5 روپے اور پیٹرول 10 روپے فی لیٹر سستا کردیا ہے، لوگ جتنا ٹیکس دیں گے وہ مہنگائی کم کرنے کے لیے لگایا جائے گا، ٹیکس کا پیسہ عوام پر ہی لگے گا۔

وزیر اعظم کا مزید کہنا تھا کہ ریاست کو اپنے کمزور طبقے کی ذمہ داری لینی چاہیے، ایک خاندان پر مشکل وقت تب آتا ہےجب گھرمیں بیماری ہو، ساڑھے 3سال میں سب سے بڑی خوشی ہیلتھ کارڈ کی فراہمی سے ہوئی ، ہیلتھ کارڈ سے ہر خاندان کے پاس علاج کی سہولت ہوگی۔