نئی حکومت کو نیب کا خاتمہ کرنا ہوگا:شاہد خاقان عباسی

کراچی میں میڈیا سے گفتگو کرتے ہوئے شاہد خاقان عباسی کا کہنا تھا کہ  تحریک عدم اعتماد کے لیے ق لیگ کو دعوت دی ہے، ق لیگ نے فیصلہ کرنا ہے وہ اقتدارکے ساتھ رہیں گے یا عوام کے ساتھ رہیں گے۔

ان کا کہنا تھا کہ یہ پہلی حکومت ہے جس نے دعوے کیے تھے کہ احتساب کریں گے، ہم نیب کے یہ تماشے 22 سال سے بھگت رہے ہیں، نیب کو ختم کرنا پڑے گا کیونکہ نیب میں بنائے گئے جعلی مقدموں کی کوئی حقیقت نہیں ہے۔

انہوں نے کہا ہےکہ نیب وہ ادارہ ہے جس نے ملک کو سب سے زیادہ نقصان پہنچایا، چیئرمین نیب کو جھوٹے اور جعلی مقدمات کا جواب دینا پڑے گا۔

ان کا مزید کہنا تھا کہ پچھلے کئی سال سے ہم کہہ رہے ہیں کہ نیب نے لوگوں کی زندگیوں سے کھیلا ہے، نیب نے کاروبار اور معیشت کو تباہ کر دیا ہے، نیب کم سے کم دو الفاظ ہی کہہ دے کہ ہم سے غلطی ہوئی ہے۔