حکومت پنجاب کا رمضان المبارک میں 317 رمضان بازار لگانے کا فیصلہ

تفصیلات کے مطابق  وزیر صنعت وتجارت میاں اسلم اقبال کی زیر صدارت رمضان پیکیج کو حتمی شکل دینے کے لئے کمیٹی کا اجلاس ہوا،  اجلاس میں رمضان المبارک کے دوران صوبے بھر میں 317 رمضان بازار لگانے کا فیصلہ کیا گیا ہے۔رمضان بازار 25 شعبان سے آپریشنل ہوں گے، 21رمضان سے رمضان بازار عید بازاروں میں تبدیل ہونگے۔

اجلاس میں رمضان المبارک کے دوران آٹا، چینی، دالیں، گھی اور دیگر اشیاء ضروریہ پر سبسڈی کی فراہمی کی مختلف تجاویز پر غور کیا گیا، رمضان پیکیج کے حوالے سے حتمی سفارشات جلد پنجاب کابینہ کو منظوری کے لئے بھجوائی جائیں گی۔

میاں اسلم اقبال کا کہنا ہے کہ رمضان بازاروں میں اشیاء ضروریہ  2021ء کی قیمتوں کے مطابق فراہم کی جائیں گی، سبسڈی پنجاب حکومت برداشت کرے گی، پنجاب انفارمیشن ٹیکنالوجی بورڈ کے تعاون سے رمضان بازاروں کی مانیٹرنگ کاموثر نظام بنایا جائے گا، ماہ مقدس میں کمزور طبقات کو ریلیف کی فراہمی کے لے ہر ضروری قدم اٹھایا جائے گا۔