پشاور میں نامعلو م افراد کی  فائرنگ سے  خاتون  پولیو ورکر   شہید 

تفصیلات کے مطابق  پولیو ورکر پر فائرنگ کا ایک اور واقعہ ، پشاور کے علاقے  داﺅد زئی  میں نامعلو م افراد کی فائرنگ سے خاتون  پولیو ورکر  شہید ہو گئی  ہے۔پولیس کا کہنا ہے کہ شہید ہونے والی خاتون کو  پوسٹ مارٹم کے لئے اسپتال منتقل  کر دیا گیا ہے۔

پولیس کے مطابق اقراءنامی پولیو ورکر ڈیوٹی سے واپس گھر جا رہی تھی ، جب نامعلوم افراد کی جانب سے اس پر    فائرنگ کی گئی جس کے بعد ملزمان فرار ہوگئے ۔

ایس پی رورل نوشیروان کا کہنا  ہے کہ   جائے وقوع سے پستول برآمد ہوئی ہے ، ملزمان کی گرفتاری کے لئے سرچ آپریشن جاری ہے ، مزید کسی بھی پیش رفت سے میڈیا کو آگاہ کر دیا جائے گا۔