تحریک عدم اعتماد:حکومت  کے اڑتیس ارکان کی حمایت حاصل ہے ، سینئر لیگی رہنما کا دعوی

تفصیلات کے مطابق  مسلم لیگ ن کے ایک سینئر رہنما کا دعویٰ ہے کہ ان کی پارٹی کو تحریک عدم اعتماد کیلئے حکومت کے اڑتیس ارکان کی حمایت حاصل ہے ، ان ارکان میں سولہ قومی اسمبلی کے رکن بھی شامل ہیں ۔حکومتی ارکان کی لسٹ  مرتب کرکے قائدین کو فراہم کردی گئی ہیں۔

ذرائع کا کہنا ہے کہ حمایتی ارکان کو3  کیٹگریز  میں تقسیم کرکے لسٹ پارٹی قائد  کو بھجوا دی گئی ہے، قائدین نے 10 حکومتی ارکان کو اگلے الیکشن میں پارٹی ٹکٹ دینے کی یقین دہانی کروادی ہے، حکومت سے دلبرداشتہ ارکان اور حکومت کا ساتھ چھوڑنے کی سوچ رکھنے  والوں کے الگ درجےہیں۔

سینئر لیگی رہنما نے دعوی کیا ہے کہ تیسرے  درجے میں وہ ارکان ہیں جو موقع پر حالات کے مطابق فیصلہ کرینگے۔