آصفہ بھٹو زرداری ڈرون کیمرہ لگنے سے زخمی ہو گئیں

پاکستان پیپلزپارٹی کے چیئرمین بلاول بھٹو زرداری کی ہمشیرہ آصفہ بھٹوزرداری چہرے پر ڈرون کیمرہ لگنے سے زخمی ہو گئیں۔

تفصیلات کے مطابق پاکستان پیپلزپارٹی کا حکومت کیخلاف لانگ مارچ خانیوال پہنچ گیا،چیئرمین بلاول بھٹو زرداری، آصفہ بھٹو زرداری اور دیگر قیادت کنٹینر پر موجود تھی ، اس دوران ڈرون آصفہ بھٹو زرداری کے چہرے سے ٹکراگیا جس سے چیئرمین پیپلزپارٹی کی ہمشیرہ کے چہرے پر زخم آ گیا،بلاول بھٹو نے اجرک اتار کر آصفہ بھٹو کے زخم پر رکھی ،ڈرون لگنے کے بعد آصفہ اور بلاول دونوں کنٹینر کے اندر چلے گئے ،ڈرون لگنے سے آصفہ بھٹو کا ماتھا زخمی ہوا ہے جس پر انہیں طبی امداد دی جارہی ہے۔

آصفہ بھٹو زرداری ڈرون لگنے سے زخمی @AseefaBZ #GNN pic.twitter.com/RP06V7rYbA

— GNN (@gnnhdofficial) March 4, 2022

اس موقع پر خطاب میں بلاول کا کہنا تھاکہ آصفہ آگے بھی ہمارے ساتھ ہوگی، پتا نہیں جان بوجھ کر یا غلطی سے کسی چینل کا ڈرون آصفہ کو لگا۔

انہوں نے بتایا کہ ڈاکٹرز نے کہا ٹانکے لگیں گے لیکن آصفہ نے کہا پٹی لگادیں میں اوپر جاؤں گی، شہید بی بی کی بیٹی تو بہت بہادر ہے۔