ٹیسٹ میچ:پاکستان نے آسٹریلیا کیخلاف پہلی اننگز 476 رنز پر ڈکلیئر کردی

آسٹریلیا کی پہلی اننگز میں بیٹنگ جاری تھی اور اس نے بغیر کسی نقصان کے 5 رنز بنالیے تھے کہ خراب روشنی کی وجہ سے کھیل ختم کردیا گیا۔

پاکستانی بلے بازوں کی آسٹریلیا کے خلاف شاندار بلے بازی کا سلسلہ آج بھی جاری رہا۔

Pakistan Declare at 476! #BoysReadyHain l #PAKvAUS pic.twitter.com/xeRcOeIK3f

— Pakistan Cricket (@TheRealPCB) March 5, 2022

راولپنڈی کرکٹ اسٹیڈیم میں کھیل کے دوسرے روز پاکستان نے اپنی پہلی نامکمل اننگز کا آغاز 245 رنز ایک کھلاڑی آؤٹ پر کیا۔

پاکستانی بیٹرز امام الحق اور اظہر علی دوسرے روز کے پہلے سیشن میں بھی آسٹریلوی بولرز پر حاوی نظر آئے اور اسی دوران امام الحق نے 150 رنز مکمل کیے۔

کھانے کے وقفے کے بعد کھیل کا دوبارہ آغاز ہوا تو اظہر علی نے بھی 8 چوکوں اور ایک چھکے کی مدد سے ٹیسٹ کرکٹ میں اپنی 19 ویں سنچری مکمل کی۔

 امام الحق 157 رنز بنا کر پیٹ کمنز کی گیند پر ایل بی ڈبلیو ہوئے جبکہ کپتان  بابراعظم 36 رنز بناکر رن آؤٹ ہوگئے۔

کپتان بابر کے بعد 444 کے مجموعی سکور پر اظہر علی بھی ڈبل سنچری نہ کرسکے اور 185 رنز پر کیچ دے بیٹھے۔

Another Test 100 for @AzharAli_ his teammates celebrate ??#PAKvAUS #BoysReadyHain pic.twitter.com/IdToY7nMvI

— Pakistan Cricket (@TheRealPCB) March 5, 2022

پاکستان نے اننگز ڈکلیئر کی تو محمد رضوان 29 اور افتخار احمد 13 رنز بناکر ناٹ آؤٹ تھے۔

آسٹریلیا کی جانب سے نیتھن لیون، پیٹ کمنز اور مارنس لبوشانگے نے ایک ایک وکٹ لی۔