مولانا فضل الرحمان کا آصف زرداری سے ٹیلیفونک رابطہ

ذرائع کے مطابق دونوں رہنماؤں کے درمیان وزیراعظم کے خلاف تحریک عدم اعتماد پر مشاورت ہوئی اور اپوزیشن کے نمبر گیم پربھی تبادلہ خیال ہوا۔

ذرائع کا کہنا ہے کہ تحریک عدم اعتماد کی ممکنہ تاریخ کےتعین پر بھی مشاورت کی گئی اور حکومتی اتحادی جماعتوں سے رابطوں کا بھی جائزہ لیا گیا۔

ذرائع کا کہنا تھاکہ مولانا فضل الرحمان نے آصف زرداری سے آصفہ بھٹو کی خیریت بھی دریافت کی۔

یاد رہے کہ اس سے قبل مولانا فضل الرحمان کا مسلم لیگ (ن) کے قائد نواز شریف سے رابطہ ہوا تھا اور دونوں رہنماؤں نے تحریک عدم اعتماد کیلئے اپوزیشن کے نمبرز پر اطمینان کا اظہار کیا تھا۔