پیپلز پارٹی کا عوامی مارچ لاہور پہنچ گیا

ذرائع کے مطابق بلاول بھٹو زرداری آج رات بلاول ہاؤس میں قیام کریں گے، شرکاء کے قیام کے لیے بلاول ہاؤس کے قریب 4 پنڈال قائم کیےگئے ہیں۔

بلاول بھٹوزرداری کل ناصر باغ میں جلسے سے خطاب کریں گے جس کےبعد پیپلز پارٹی کا عوامی مارچ گوجرانوالا روانہ ہو جائےگا۔

آج بلاول نے مختلف استقبالیہ کیمپوں سے خطاب میں کہا کہ پنجاب کا بھٹو زندہ ہے، جو کہتا تھا کہ  گھبرانا نہیں ہے اب وہ خود گھبرا رہا ہے، لانگ مارچ سے اس کی ٹانگیں کانپ رہی ہیں ، پسینہ نکل رہا ہے۔

یاد رہے کہ پیپلز پارٹی کے عوامی مارچ کا آغاز 27 فروری کو کراچی سے ہوا تھا۔