وزیراعظم کی آسٹریلیا کیخلاف زبردست فائٹ بیک کرنے پر قومی ٹیم کومبارکباد

تفصیلات کے مطابق وزیراعظم عمران خان نے کراچی ٹیسٹ میں شاندار کارکردگی پر بابراعظم کو مبارکباد دی ۔  انہوں نے سماجی رابطے کی ویب سائٹ ٹوئٹر پر  پیغام میں بابراعظم کی بطور کپتان بہترین  کارکردگی دکھانے  اور ٹیم کو بہترین انداز میں واپس لانے پر  بھی سراہا۔  

وزیراعظم  نے پوری ٹیم بالخصوص عبداللہ شفیق اور محمد رضوان کی شاندار بلے بازی کی بھی تعریف کی۔

وزیراعظم  نے اپنی ٹوئٹ میں کہا کہ بد قسمتی سے میں میچ نہیں دیکھ سکا کیونکہ  میں ان دنوں میچ فکسنگ کے علاوہ ایک اور محاذ پر لڑرہا ہوں جہاں میرے کھلاڑیوں کو بہلانے پھسلانے کیلئے بے دریغ پیسہ بہایا جارہا ہے۔

بدقسمتی سےمیں یہ میچ نہیں دیکھ سکاکیونکہ ایک دوسرے محاذ پر میچ فکسنگ کیخلاف برسرِ پیکار ہوں جہاں میرے کھلاڑیوں کو بہلانے پھسلانے کیلئے بے دریغ پیسہ بہایا جارہا ہے۔

— Imran Khan (@ImranKhanPTI) March 17, 2022

واضح رہے کہ پاکستان نے کپتان بابر اعظم کے ساتھ ساتھ عبداللہ شفیق اور محمد رضوان کی عمدہ بیٹنگ کی بدولت آسٹریلیا کے خلاف دوسرے ٹیسٹ میچ میں دو دن تک بیٹنگ کر کے میچ ڈرا کردیا تھا۔