شاہ محمود قریشی اور پرویز خٹک کی چوہدری پرویز الٰہی سے ملاقات کی اندرونی کہانی سامنے آگئی

وزیر خارجہ شاہ محمود قریشی اور وزیر دفاع پرویز خٹک نے چوہدری پرویز الٰہی سے لاہور میں ان کی رہائش گاہ پر ملاقات کی ہے۔

ذرائع کے مطابق  شاہ محمود قریشی نے وزیر اعظم عمران خان کا پیغام پرویز الٰہی تک پہنچایا۔

ممبر قومی اسمبلی طارق بشیر چیمہ نے ساڑھے 3 سال سے درپیش مسائل سے وفاقی وزرا کو آگاہ کیا جبکہ ملاقات میں مسائل کے حل کے لیے بات بھی کی گئی۔

وفاقی وزرا کی جانب سے مسلم لیگ ق کی قیادت سے کہا گیا کہ وزیر اعظم کو ساری صورت حال سے آگاہ کریں گے۔

پرویز الٰہی کا کہنا تھا کہ آج کی ملاقات سے متعلق پارٹی صدر چوہدری شجاعت حسین کو اعتماد میں لیں گے، آئندہ ملاقات جلد اسلام آباد میں ہو گی۔