برازیل: مسافر بس کھائی میں جاگری، 11 افراد ہلاک

برازیل میں مسافر بس پہاڑ سے گہری کھائی میں جاگری، جس کے نتیجے میں 11 افراد ہلاک اور20 زخمی ہو گئے ہیں۔

پولیس کے مطابق، بس میں 30 سے ​​زائد مسافر سوار تھے، جو کہ ملک کے مختلف علاقوں سے تعلق رکھنے والے مزدور تھے۔ ابتدائی رپورٹ میں کہا گیا ہے کہ بس ڈرائیور نے لین چھوڑنے اور الٹنے سے پہلے اپنی سمت کھو دی تھی۔

حادثے کے وقت بارش ہو رہی تھی، اس کے علاوہ پولیس کا کہنا ہے کہ جس علاقے میں حادثہ پیش آیا وہاں ایک خطرناک موڑ تھا۔ جس کی وجہ سے بس بے قابو ہو گئی۔

پولیس نے بتایا کہ امدادی کارکن زخمیوں کو بچانے کے لیے کام کر رہے ہیں، جنہیں علاقے کے قرینی اسپتالوں میں لے جایا جا رہا ہے۔