حکومت رکن پنجاب اسمبلی عہدے سے مستعفیٰ

لاہور: پنجاب اسمبلی میں حکومتی رکن چوہدری مسعود احمد نے اپنی نشست سے استعفیٰ دے دیا۔

پی ٹی آئی کے رکن صوبائی اسمبلی چوہدری مسعود احمد پی پی 257 سے 2018 میں کامیاب ہوئے تھے، انہوں نے استعفیٰ ڈپٹی اسپیکر پنجاب اسمبلی کو بھیجوا دیا۔

چوہدری مسعود کا کہنا تھا کہ حکومت پنجاب کے جانبدارانہ رویہ سے دل برداشتہ ہو کر اپنے منصب سے مستعفی ہوا ہوں، اپنے حلقہ کے ساتھ بار بار کی گئی زیادتیوں جبکہ ترقیاتی و انتظامی امور میں فرق رکھنے پر استعفیٰ جمع کروایا ہے۔

رکن صوبائی اسمبلی نے کہا کہ ذہنی طور پر پریشان رکھنے، ترقیاتی وانتظامی امور میں رکاوٹیں ڈالنے کی وجہ سے مزید اس حکومت کا حصہ نہیں رہنا چاہتا۔