بلاول بھٹو زرداری کا حکومت کیلئے سرپرائز 

تفصیلات کے مطابق سماجی رابطے کی سائٹ ٹوئٹر پر بلاول بھٹو زرداری نے اسپیکر قومی اسمبلی اسد قیصر کے خلاف عدم اعتماد کی تحریک کی کاپی شیئر کرتے ہوئے اس کو سرپرائز قرار دے دیا۔

Surprise @AsadQaiserPTI @ImranKhanPTI ? pic.twitter.com/UT8VIiT48v

— BilawalBhuttoZardari (@BBhuttoZardari) April 3, 2022

واضح رہے کہ اپوزیشن جماعتوں نے قومی اسمبلی میں اسپیکر اسد قیصر کے خلاف تحریکِ عدم اعتماد جمع کرا دی ہے ۔ اسپیکر اسد قیصر کے خلاف عدم اعتماد کی تحریک پر 100 سے زائد ارکانِ قومی اسمبلی کے دستخط ہیں ۔

قومی اسمبلی کا اہم اجلاس آج صبح ساڑھے گیارہ بجے  شروع ہوگا ،  اجلاس میں وزیراعظم عمران خان  کیخلاف تحریک عدم اعتماد پر ووٹنگ ہوگی  ۔ قومی اسمبلی کے اجلاس کا 6 نکاتی ایجنڈا جاری کردیا گیا ہے۔

 اجلاس میں شرکت کیلئے ارکان پیدل چل کر پارلیمنٹ لاجز پہنچنا شروع ہوگئے ہیں جب کہ منحرف ارکان بھی اپوزیشن کی لابی میں پہنچ گئے ہیں۔ سابق صدر آصف زرداری، شہباز شریف اور بلاول بھٹو زرداری بھی پارلیمنٹ ہاؤس پہنچ گئےہیں۔