مسلم لیگ (ق) کے گھر میں ہی بغاوت ہو گئی

اسلام آباد :مسم لیگ (ق) کے گھر میں ہی بغاوت ہو گئی ، سابق وفاقی وزیر طارق بشیر چیمہ اور  سالک حسین قومی اسمبلی پہنچ گئے ۔ 

 مسلم لیگ (ق) سے تعلق رکھنے والے  طارق بشیر چیمہ اور سالک حسین اپوزیشن کے بینچوں پر بیٹھے ، ایوان میں داخل ہونے سے قبل  طارق بشیر چیمہ نے اپوزیشن لیڈر قومی اسمبلی شہباز شریف  سے ملاقات کی اور گفتگو کی ۔

ایک صحافی نے طارق بشیر چیمہ سے سوال کیا تو طارق بشیر چیمہ نے  کہاکہ فی الحال  ووٹ ڈالنے کیلئے نہیں آئے ، کسی اور کام سے قومی اسمبلی میں آئے ہیں ۔

واضح رہے کہ چند روز قبل طارق بشیر چیمہ واضح کر چکے ہیں کہ تحریک عدم اعتماد میں وہ حکومت کے خلاف ووٹ دیں گے ۔

29 مارچ کو  چیئر مین سینیٹ سے ملاقات  کے بعد میڈیا سے گفتگو کرتے ہوئے طارق بشیر چیمہ کا کہنا تھا کہ میں عدم اعتماد کے حق میں ووٹ دوں گا،

میں ق لیگ میں ہوں اور چودھریوں کے ساتھ ہوں۔طارق بشیر چیمہ نے کہا کہ کس نے کہا کہ میں پارٹی سے ناراض ہوں تو اس پر صحافی نے سوال کیا کہ فرخ حبیب نےٹویٹ کیا ہے کہ طارق چیمہ دوریاں پیداکررہےتھے۔ اس پر انہوں نے کہا کہ میں نےفرخ حبیب سےمشورہ کیا ہو گا،اس لیےان کوہی پتہ ہوگا۔

طارق بشیر چیمہ نے واضح کیا کہ ان کی شہبازشریف سمیت کسی اپوزیشن رہنماسےملاقات نہیں ہوئی ہے۔