اسپیکر اسد قیصر نےعدم اعتماد مسترد کرنے کی رولنگ کی توثیق کردی

سماجی رابطے کی ویب سائیٹ ٹوئیٹر پر جاری اپنے پیغام میں رہنما تحریک انصاف فرخ حبیب نے کہا کہ ڈپٹی اسپیکر قومی اسمبلی قاسم خان سوری نے آج ایوان میں تحریک عدم اعتماد کو مسترد کرنے کے حوالے سے تفصیلی رولنگ جاری کردی ہے۔

انہوں نے کہا کہ اس رولنگ کی اسپیکر قومی اسمبلی اسد قیصر کی جانب سے توثیق کر دی گئی ہے۔

ڈپٹی سپیکر قومی اسمبلی قاسم خان سوری نے آج ایوان میں تحریک عدم اعتماد کو مسترد کرنے کے حوالے سے تفصیلی رولنگ جاری کردی ہے۔ اس رولنگ کی سپیکر قومی اسمبلی اسد قیصر نے توثیق کردی۔ #surprise #Elections2022 pic.twitter.com/nXq760nFmu

— Farrukh Habib (@FarrukhHabibISF) April 3, 2022

یاد رہے کہ اپوزیشن اتحاد کی جانب سے قومی اسمبلی میں وزیر اعظم عمران خان کے خلاف عدم اعتماد کی قرارداد جمع کروائی گئی تھی جس پر 3 اپریل بروز اتوار کو ووٹنگ ہونی تھی۔

ڈپٹی اسپیکر قومی اسمبلی قاسم سوری کی جانب سے اپوزیشن کی تحریک عدم اعتماد پر ووٹنگ کروائے بغیر ہی اسے آئین کے منافی قرار دیتے ہوئے مسترد کر دیا۔

Detailed ruling pic.twitter.com/eSRlPLneIZ

— Asad Qaiser (@AsadQaiserPTI) April 3, 2022