اپوزیشن کو ابھی تک سمجھ ہی نہیں آرہی کہ ہوا کیا ہے:عمران خان

وزیر اعظم عمران خان کا کہنا تھا کہ میں آپ کو سمجھانا چاہتا ہوں کہ ہوا کیا ہے،آپ کو یاد کرانا چاہتا ہوں کہ شام کو آیا تو سب کو کہنا پڑا تھا گھبرانا نہیں ہے۔

ان کا کہنا تھا کہ نیشنل سیکیورٹی کونسل نے واضح طور پر کہہ دیا کہ عدم اعتماد بیرونی سازش ہے اور نیشنل سیکیورٹی کونسل میں تمام سروسز چیفس موجود تھے۔

انہوں نے کہا ہے کہ پاکستانی سفیر کی امریکی اہلکار ڈونلڈ لو یا جو بھی اس کا نام تھا سے ملاقات ہوئی اور ملاقات کی گفتگو نیشنل سیکیورٹی کونسل میں بتائی گئی تو اس کے منٹس جاری کیے گئے۔

Prime Minister Imran Khan's address to Parliamentarians. pic.twitter.com/zqkONDD9Pj

— Prime Minister's Office, Pakistan (@PakPMO) April 3, 2022

عمران خان کا کہنا تھا کہ تصدیق کی گئی کہ باہر سازش بنی اور پاکستان میں مداخلت کی گئی،عدم اعتماد بیرونی سازش تھی لیکن ہمیں چھوڑنے والوں سے سفارتخانے کے لوگ مل رہے تھے۔

ان کا مزید کہنا تھا کہ ملک کے سربراہوں سے سفارتی اہلکار ملتے ہیں لیکن ان سے ملنے کا کیا مقصد تھا اور ملک کی اعلیٰ ترین باڈی جب یہ کنفرم کر دیتی ہے تو پھر عدم اعتماد اور نمبر کا کوئی مقصد ہی نہیں رہتا، یہ آپ کو کل نہیں بتا سکتا تھا ورنہ اپوزیشن آج اتنی شاکڈ نہ ہوتی۔